ಅಭಿವೃದ್ಧಿ ಅಧ್ಯಯನ

ಕನ್ನಡ ವಿಶ್ವವಿದ್ಯಾಲಯದಲ್ಲಿ ಅಭಿವೃದ್ಧಿ ಅಧ್ಯಯನ ವಿಭಾಗವನ್ನು ೧೯೯೬ರಲ್ಲಿ ಪ್ರಾರಂಭಿಸಲಾಯಿತು. ವಿಭಾಗವು ಪ್ರಾರಂಭದಿಂದಲೂ, ಅಭಿವೃದ್ಧಿಗೆ ಸಂಬಂಧಿಸಿದ ಸಂಗತಿಗಳನ್ನು, ಅಭಿವೃದ್ಧಿ ಸಿದ್ಧಾಂತಗಳು ಮತ್ತು ಅಭಿವೃದ್ಧಿ ಅನುಭವಗಳ ನಡುವಿನ ಅಂತರವನ್ನು ಕೇಂದ್ರೀಕರಿಸಿ ವೈಜ್ಞಾನಿಕವಾಗಿ ಬಹುಶಿಸ್ತೀಯ ನೆಲೆಯಲ್ಲಿ ಸಂಶೋಧನೆಗಳನ್ನು ನಡೆಸುತ್ತಿದೆ. ಹೀಗೆ ವಿಭಾಗವು ನಡೆಸಿದ ಅನೇಕ ಸಂಶೋಧನೆಗಳು ಅಭಿವೃದ್ಧಿ ಯೋಜನೆ ಮತ್ತು ಕಾರ್ಯಕ್ರಮಗಳನ್ನು ಪರಿಣಾಮಕಾರಿಯಾಗಿ ಅನುಷ್ಟಾನಕ್ಕೆ ತರುವುದಕ್ಕೆ ಸಂಬಂಧಿಸಿದಂತೆ ಅಲ್ಪಾವಧಿ ಮತ್ತು ದೀರ್ಘಕಾಲೀನ ಪ್ರಜಾಸತ್ತಾತ್ಮಕ ಅಭಿವೃದ್ಧಿ ಕಾರ್ಯತಂತ್ರಗಳ ಸೂತ್ರೀಕರಣವನ್ನು ರೂಪಿಸುವಲ್ಲಿ ಮಹತ್ವದ ಪಾತ್ರವಹಿಸಿದೆ.

ಸಂಶೋಧನೆ:
ಸಂಶೋಧನೆ ನಡೆಸುವ ಉದ್ದೇಶ, ರಾಜ್ಯದ ಬಡಜನರು ಮತ್ತು ಹಿಂದುಳಿದ ಪ್ರದೇಶಗಳು ಅಭಿವೃದ್ಧಿ ಪ್ರಕ್ರಿಯೆಗಳಲ್ಲಿ ಭಾಗವಹಿಸಲು ಎದುರಿಸುತ್ತಿರುವ ಎಲ್ಲಾ ರೀತಿಯ ತೂಡಕುಗಳನ್ನು ಮತ್ತು ಸಂಕೀರ್ಣತೆಗಳನ್ನು ಬಹುಶಿಸ್ತೀಯ ನೆಲೆಯಲ್ಲಿ ಅರ್ಥಮಾಡಿಕೊಳ್ಳುವುದು. ಸಂಶೋಧನೆಯಿಂದ ಪಡೆದುಕೊಂಡ ಫಲಿತಗಳನ್ನು, ಅನುಭವಗಳನ್ನು ಮತ್ತು ತಿಳುವಳಿಕೆಗಳನ್ನು ಜನರು, ಜನರ ಪ್ರತಿನಿಧಿಗಳು ಮತ್ತು ತಳಮಟ್ಟದಲ್ಲಿ ಕೆಲಸ ಮಾಡುತ್ತಿರುವ ಅಭಿವೃದ್ಧಿ ಕಾರ್ಯಕರ್ತರ ಜೊತೆ ಹಂಚಿಕೊಳ್ಳುವ ಮೂಲಕ ತಳಮಟ್ಟದ ಅಭಿವೃದ್ಧಿ ಪ್ರಕ್ರಿಯೆಗಳ ಸವಾಲು ಮತ್ತು ಸಾಧ್ಯತೆಗಳನ್ನು ಜನರ ಸಾಮಾನ್ಯರ ನೆಲೆಯಲ್ಲಿ ಶೋಧಿಸುವುದು ಮತ್ತು ಸ್ಥಳೀಯ ಮಟ್ಟದ ಪರ್ಯಾಯಗಳನ್ನು ಕಂಡುಕೊಳ್ಳುವುದು.

ವಿಭಾಗ ಸಂಶೋಧನೆಯ ಆದ್ಯತಾ ಕ್ಷೇತ್ರಗಳು:-
೧. ಸಹಭಾಗಿತ್ವ ಅಭಿವೃದ್ಧಿ, ೨. ಲಿಂಗಸಂಬಂಧಿ ಅಭಿವೃದ್ಧಿ, ೩. ಸುಸ್ಥಿರ ಅಭಿವೃದ್ಧಿ, ೪. ಅಭಿವೃದ್ಧಿಯ ಅಸಮಾನತೆ ೫. ಪ್ರಾದೇಶಿಕ ಅಸಮಾನತೆ, ೬. ಹಕ್ಕು ಆಧಾರಿತ ಅಭಿವೃದ್ಧಿ, ೭. ಸ್ಥಳೀಯ ಸರ್ಕಾರಗಳು ಮತ್ತು ಅಭಿವೃದ್ಧಿ ೮. ಗ್ರಾಮೀಣಾಭಿವೃದ್ಧಿ ನಿರ್ವಹಣೆ, ೯. ಸಂಘಟಿತ ಮತ್ತು ಅಸಂಘಟಿತ ವಲಯಗಳ ಆರ್ಥಿಕತೆ ಮತ್ತು ದುಡಿಮೆ, ೧೦. ಆರೋಗ್ಯ, ಆಹಾರ, ಅಪೌಷ್ಟಿಕತೆ, ಶಿಕ್ಷಣ, ಕುಡಿಯುವ ನೀರು, ವಸತಿ, ಮತ್ತು ಉದ್ಯೋಗ, ಇತ್ಯಾದಿ ಅಗತ್ಯ ಮೂಲಸೌಲಭ್ಯಗಳನ್ನು ಸಾಮಾಜಿಕ ನ್ಯಾಯದ ನೆಲೆಯಲ್ಲಿ ಅರ್ಥಮಾಡಿಕೊಳ್ಳುವುದು ೧೧. ಅಭಿವೃದ್ಧಿ ನೀತಿಗಳು ಮತ್ತು ಸಮಕಾಲೀನ ಬಿಕ್ಕಟ್ಟುಗಳು, ೧೨. ಕೃಷಿ ಉತ್ಪಾದನೆ ಮತ್ತು ಮಾರುಕಟ್ಟೆ ಸಂಬಂಧಿ ಬಿಕ್ಕಟ್ಟುಗಳು ೧೩. ವಲಸೆ ಮತ್ತು ಅಭಿವೃದ್ಧಿ ೧೪.ಸಮಕಾಲೀನ ಅಭಿವೃದ್ಧಿ ಬಿಕ್ಕಟ್ಟುಗಳು, ಇತ್ಯಾದಿ.

ತರಬೇತಿ:-
ಅಭಿವೃದ್ಧಿ ಅಧ್ಯಯನ ವಿಭಾಗವು ಸಂಶೋಧನೆಯಿಂದ ಪಡೆದುಕೊಂಡ ಫಲಿತಗಳ ಆಧಾರದಲ್ಲಿ ಸಾಂಪ್ರದಾಯಿಕ ಅಭಿವೃದ್ಧಿ ಮಾದರಿಗಳಿಂತ ವಿಭಿನ್ನವಾದ ಅಭಿವೃದ್ಧಿ ತರಬೇತಿ ಮಾಡ್ಯೂಲ್‌ಗಳನ್ನು ರೂಪಿಸಿದೆ. ಈ ತರಬೇತಿ ಮಾಡ್ಯೂಲ್‌ಗಳು ಶೈಕ್ಷಣಿಕ ಮತ್ತು ಅಧಿಕಾರಶಾಹಿ ವಲಯಗಳು ರೂಪಿಸಿದ ಸಾಂಪ್ರದಾಯಿಕ ತರಬೇತಿ ಮಾಡ್ಯೂಲ್‌ಗಿಂತ ಭಿನ್ನವಾಗಿದೆ. ಸಾಂಪ್ರದಾಯಿಕ ತರಬೇತಿ ಮಾಡ್ಯೂಲ್‌ಗಳು ಪ್ರೇರಣೆ ಮತ್ತು ಕೌಶಲ್ಯ ರಚನೆಗೆ ಹೆಚ್ಚಿನ ಅವಕಾಶವನ್ನು ನೀಡಿವೆ. ಇದು ಅತ್ಯಂತ ಅಗತ್ಯ. ಆದರೆ ಇವುಗಳು ಮಾತ್ರವೇ ಪ್ರಜಾಸ್ತಾತ್ಮಕ ಅಭಿವೃದ್ಧಿ ಅನುಷ್ಟಾನಕ್ಕೆ ಸಾಕಾಗುವುದಿಲ್ಲ. ಸಾಂಪ್ರದಾಯಿಕ ತರಬೇತಿ ಮಾಡ್ಯೂಲ್‌ಗಳನ್ನು ವಿಮಶಾತ್ಮಕವಾಗಿ ಚರ್ಚೆಸಿ, ಅಧ್ಯಯನಮಾಡಿ ಜನ ಸಾಮಾನ್ಯರು ಅಭಿವೃದ್ಧಿ ಪ್ರಕ್ರಿಯೆಯಲ್ಲಿ ಪ್ರಜಾಪ್ರಭುತ್ವ ಮತ್ತು ವಿಕೇಂದ್ರೀಕರಣದ ದೃಷ್ಠಿಕೋನದಲ್ಲಿ ಜನರ ಭಾಗವಹಿಸುವಿಕೆಯನ್ನು ಹೆಚ್ಚಿಸುವ ಉದ್ದೇಶದಿಂದ ತರಬೇತಿ ಮಾಡ್ಯೂಲ್‌ಗಳನ್ನು ಅಭಿವೃದ್ಧಿ ಅಧ್ಯಯನ ವಿಭಾಗವು ರೂಪಿಸಿದೆ. ನಮ್ಮ ತರಬೇತಿ ಮಾಡ್ಯೂಲ್ ತರಬೇತುದಾರರಿಗೆ ಅವರು ವಾಸಿಸುವ ಸಾಮಾಜಿಕ ಸಂದರ್ಭವನ್ನು ಅರ್ಥಮಾಡಿಕೊಳ್ಳಲು ಅನುವು ಮಾಡಿಕೊಡುವ ಜೊತೆಗೆ ಸ್ಥಳೀಯ ಸಂಪನ್ಮೂಲಗಳನ್ನು ಬಳಸಿಕೊಂಡು, ಸ್ಥಳೀಯ ಸಮಸ್ಯೆಗಳನ್ನು ಪರಿಹರಿಸಲು ಅವರಿಗೆ ಅನುವು ಮಾಡಿಕೊಡುತ್ತದೆ. ಈಗ ನಡೆಯುತ್ತಿರುವ ಮತ್ತು ನಡೆಸಲು ಉದ್ದೇಶಿತ ತರಬೇತಿಗಳೆಂದರೆ: ಸ್ಥಳೀಯ ಸಂಸ್ಥೆಗಳ ಜನ ಪ್ರತಿನಿಧಿಗಳು, ತಳಮಟ್ಟದ ಅಭಿವೃದ್ಧಿ ಕಾರ್ಯಕತರು(ಅಂಗನವಾಡಿ ಕಾರ್ಯಕತರು, ಆರೋಗ್ಯ ಕಾರ್ಯಕತರು, ಆಶಾ ಕಾರ್ಯಕತೇಯರು, ಶಾಲಾ ಶಿಕ್ಷಕರು, ಪೊಲೀಸರು, ಗ್ರಾಮ ಪಂಚಾಯತಿ ಮಟ್ಟದ ಎಲ್ಲಾ ಅಭಿವೃದ್ಧಿ ಕಾರ್ಯಕರ್ತರು) ಅಭಿವೃದ್ಧಿ ಫಲಾನುಭವಿಗಳು, ಇತ್ಯಾದಿ.

ತಲುಪು:-
ಅಭಿವೃದ್ಧಿ ಅಧ್ಯಯನ ವಿಭಾಗವು ಎರಡು ಪ್ರಮುಖ ಉದ್ದೇಶದಿಂದ ತನ್ನ ಸಂಶೋಧನಾ ಫಲಿತಾಂಶವನ್ನು ಜನ ಸಮುದಾಯಕ್ಕೆ ತಲುಪಿಸುವ ಜವಾಬ್ದಾರಿಯನ್ನು ವಹಿಸಿಕೊಂಡಿದೆ: ಒಂದು, ಸಮಾಜದ ಅಂಚಿನ ಆಚೆಗೆ ಇರುವವರ ಜೀವನದ ಸ್ಥಿತಿಗತಿಗನ್ನು ವಿಸ್ತೃತ ಸಮಾಜಕ್ಕೆ, ಅದರಲ್ಲಿಯೂ ಯೋಜನಾಕಾರರಿಗೆ ಮತ್ತು ಮೇಲ್ ಮಟ್ಟದ ಅಧಿಕಾರಿಶಾಹಿಗೆ ಪರಿಚಯಿಸುವುದು. ಎರಡು, ಅಭಿವೃದ್ಧಿ ಕ್ಷೇತ್ರದಲ್ಲಿ ಕೆಲಸ ಮಾಡುವ ಎಲ್ಲರನ್ನೂ ಒಟ್ಟುಗೂಡಿಸುವುದು. ಒಟ್ಟುಗೂಡಿಸುವ ಉದ್ದೇಶ ಅಭಿವೃದ್ಧಿಯ ವಾಸ್ತವಿಕತೆಯನ್ನು ಎಲ್ಲಾ ಪಾಲುದಾರರಿಗೆ ತಿಳಿಸುವ ಜೊತೆ ಜೊತೆಗೆ, ಸಮಾಜದ ಎಲ್ಲಾ ಜನವರ್ಗಗಳು, ಅದರಲ್ಲಿಯೂ ಅವಕಾಶವಂಚಿತರನ್ನು ಒಳಗೊಳ್ಳುವ ಪರ್ಯಾಯ ಸುಸ್ಥಿರ ಅಭಿವೃದ್ಧಿ ನೀತಿಗಳನ್ನು ರೂಪಿಸುವುದಕ್ಕೆ ಬೇಕಾಗುವ ಸಾಕ್ಷ್ಯಾಧರಗಳನ್ನು ಶೈಕ್ಷಣಿಕ ದೃಷ್ಟಿಕೋನದಿಂದ ಕಟ್ಟಿಕೊಡುವುದು.

ಅಭಿವೃದ್ಧಿ ಅಧ್ಯಯನ ವಿಭಾಗವು ಜನರಿಗೆ ಸಂಶೋಧನಾ ಫಲಿತಾಂಶವನ್ನು ತಲುಪಿಸಲು ಈ ಕೆಳಗಿನ ಮಾಧ್ಯಮವನ್ನು ಬಳಸುತ್ತಿದೆ/ಬಳಸಲು ಉದ್ದೇಶಿಸಿದೆ –
➣ ಅಭಿವೃದ್ಧಿ ಅಧ್ಯಯನ: ಸಮಾಜ ವಿಜ್ಞಾನ ಪತ್ರಿಕೆ, ದ್ವೈ-ವಾರ್ಷಿಕ ಜರ್ನಲ್; ನಿರಂತರವಾಗಿ ಪಿಎಚ್.ಡಿ ಕಾರ್ಯಕ್ರಮಗಳನ್ನು ನಡೆಸುವುದು,
➣ ಪರ್ಯಾಯ ಅಭಿವೃದ್ಧಿ ವಿಷಯಗಳ ಮೇಲೆ ಅಲ್ಪಾವಧಿಯ ಕೋರ್ಸ್ಗಳನ್ನು ನಡೆಸುವುದು,
➣ ಸಂಶೋಧನಾ ಉತ್ಪನ್ನವನ್ನು ವಿಸ್ತೃತ ಸಮಾಜಕ್ಕೆ ಪ್ರಸಾರ ಮಾಡಲು ವೆಬ್ಸೈಟ್ ಪ್ರಾರಂಭಿಸಲು ಉದ್ದೇಶಿಸಿದೆ;
➣ ಅಭಿವೃದ್ಧಿ ಸಮಾವೇಶಗಳನ್ನು, ಕಾರ್ಯಾಗಾರಗಳನ್ನು ಆಯೋಜಿಸುವುದು,
➣ ಎಲ್ಲಾ ಅಭಿವೃದ್ಧಿ ಪಲಾನುಭವಿಗಳು ಮತ್ತು ಯೋಜನೆಗಳನ್ನು ಅನುಷ್ಟಾನಕ್ಕೆ ತರುವವರ ಸಮಾವೇಶಗಳನ್ನು ಸಂಘಟಿಸುವುದು.
➣ ಸಮಕಾಲೀನ ಅಭಿವೃದ್ಧಿ ಬಿಕ್ಕಟ್ಟುಗಳನ್ನು ಅರ್ಥಮಾಡಿಕೊಳ್ಳುವ ಹಾಗೂ ಜನರಿಗೆ ತಲುಪಿಸುವ ದೃಷ್ಠಿಯಿಂದ ಪ್ರಚಾರ ಉಪನ್ಯಾಸಗಳನ್ನು ಸಂಘಟಿಸುವುದು.

ವಿಸ್ತರಣೆ ಸೇವೆಗಳು:-
ಅಭಿವೃದ್ಧಿ ನೀತಿ ನಿರೂಪಣೆ ಮತ್ತು ಅಭಿವೃದ್ಧಿಯ ಅನುಷ್ಟಾನದಲ್ಲಿ ನೇರವಾಗಿ ಮಧ್ಯಪ್ರವೇಶಿಸುವ ಉದ್ದೇಶದಿಂದ, ಕರ್ನಾಟಕ ಸರ್ಕಾರದ ವಿವಿಧ ಇಲಾಖೆಗಳ ಹಲವು ಸಮಿತಿಗಳಲ್ಲಿ ಮತ್ತು ಸಂಸ್ಥೆಗಳಲ್ಲಿ ವಿಭಾಗದ
ಪ್ರಾಧ್ಯಾಪಕರು, ವಿವಿಧ ಸಾಮರ್ಥ್ಯಗಳಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ:
೧. ಕನಾಟಕ ರಾಜ್ಯ ಸರ್ಕಾರ ರಚಿಸಲಾದ ಪಂಚಾಯತ್‌ಗಳನ್ನು ಬಲಪಡಿಸಲು ರಾಜ್ಯ ಮಟ್ಟದ ತಜ್ಞರ ಸಮಿತಿಯ ಸದಸ್ಯರಾಗಿ, ೨ ಜಿಲ್ಲಾ ಯೋಜನಾ ಸಮಿತಿಗಳ ಸಲಹೆಗಾರಾಗಿ,
೩. ಗ್ರಾಮೀಣಾಭಿವೃದ್ಧಿಗಾಗಿ ಕೆಲಸ ಮಾಡುವ ಎನ್ಜಿಒಗಳಿಗೆ ಸಲಹೆಗಾರರಾಗಿ,
೪. ಶ್ರೀ ಅಬ್ದುಲ್ ನಜೀರ್ ಸಾಬ್ ರಾಜ್ಯ ಗ್ರಾಮೀಣಾಭಿವೃದ್ಧಿ ಸಂಸ್ಥೆಯ(ಎಸ್ಐಆರ್ಡಿ), ಮೈಸೂರು, ರಚಿಸಿರುವ ವಿವಿಧ ತರಬೇತಿ ಕಾರ್ಯಕ್ರಮಗಳ ಸಮಿತಿ ಸದಸ್ಯರಾಗಿ,
೫. ಶಾಲಾ ಶಿಕ್ಷಣದಲ್ಲಿ ಗುಣಮಟ್ಟದ ಅಭಿವೃದ್ದಿಗೆ ಸಮುದಾಯದ ಸಹಭಾಗಿತ್ವವನ್ನು ಬಲಪಡಿಸಲು ಶಿಕ್ಷಣ ಇಲಾಖೆ ರಚಿಸಿರುವ ರಾಜ್ಯ ಮಟ್ಟದ ಸಮಿತಿಗಳ ಸದಸ್ಯರಾಗಿ,
೫. ಶಿಕ್ಷಣ ಇಲಾಖೆ ರಚಿಸಿರುವ ಶಾಲಾ ಪಠ್ಯಕ್ರಮ ರಚನಾ ಸಮಿತಿಯಲ್ಲಿ ಸದಸ್ಯರಾಗಿ,
೬. ಕರ್ನಾಟಕ ಮಕ್ಕಳ ರಕ್ಷಣಾ ಆಯೋಗ ರಚಿಸಿದ ವಿವಿಧ ಸಮಿತಿಗಳಲ್ಲಿ ಸದಸ್ಯರಾಗಿ.

ದೃಷ್ಟಿಕೋನ(ವಿಶನ್)
➣ ಅಭಿವೃದ್ಧಿ ನೀತಿ ಮತ್ತು ಕಾರ್ಯಕ್ರಮ ಆಧಾರಿತ ಸಂಶೋಧನೆಯ ಮೂಲಕ ಜನರ ಜೀವನಮಟ್ಟದಲ್ಲಿ ಬದಲಾವಣೆ ತರುವುದು. ಪರ್ಯಾಯ ಅಭಿವೃದ್ಧಿ ದೃಷ್ಟಿಕೋನಗಳನ್ನು ಸುಸ್ಥಿರ ನೆಲೆಯಲ್ಲಿ ರೂಪಿಸುವುದು.

ಗುರಿ(ಮಿಶನ್)
➣ ಕನ್ನಡದಲ್ಲಿ (ಸ್ಥಳೀಯ ಭಾಷೆಯಲ್ಲಿ) ಅಭಿವೃದ್ಧಿ ಸಿದ್ಧಾಂತ, ಅಭಿವೃದ್ಧಿ ಪರಿಕಲ್ಪನೆಗಳು, ಕಾರ್ಯಕ್ರಮಗಳನ್ನು, ನೀತಿಗಳು ಹಾಗೂ ಸಮಾಜ ಸಂಶೋಧನಾ ವಿಧಾನಗಳ ಬಗೆಗೆ ಸ್ಥಳೀಯ ಭಾಷೆಯಲ್ಲಿ ಜ್ಞಾನವನ್ನು ಉತ್ಪಾದಿಸುವ ಕರ್ನಾಟಕದಲ್ಲಿ ಇರುವ ಏಕೈಕ ವಿಭಾಗ.
➣ ಸರ್ಕಾರಗಳ ವಿವಿಧ ಇಲಾಖೆಗಳು, ಗ್ರಾಮೀಣ ಸ್ಥಳೀಯ ಸರ್ಕಾರಗಳು ಹಾಗು ಅಭಿವೃದ್ಧಿ ಫಲಾನುಭವಿಗಳ ಜೊತೆ ಸಕ್ರಿಯ ಭಾಗವಹಿಸುವಿಕೆಯೊಂದಿಗೆ ಅಭಿವೃದ್ಧಿ ನೀತಿ ಮತ್ತು ಕಾರ್ಯಕ್ರಮಗಳನ್ನು ಸ್ಥಳೀಯ ಭಾಷೆಯಲ್ಲಿ ಸಂಶೋಧಿಸಿ ಸಂಯೋಜಿಸುವುದು.

೧. ಅಭಿವೃದ್ಧಿ ಅಧ್ಯಯನದಲ್ಲಿ ಪಿಎಚ್‌.ಡಿ.
೨. ಅಭಿವೃದ್ಧಿ ಅಧ್ಯಯನದಲ್ಲಿ ಎಂ.ಫಿಲ್.
೩. ಗ್ರಾಮೀಣಾಭಿವೃದ್ಧಿಯಲ್ಲಿ ಎಂ.ಎ.
೪. ಪಂಚಾಯತ್ ರಾಜ್ ಅಧ್ಯಯನದಲ್ಲಿ ಡಿಪ್ಲೊಮಾ

ಅಭಿವೃದ್ಧಿ ಅಧ್ಯಯನ ವಿಭಾಗದ ಪಿಎಚ್.ಡಿ., ಎಂ.ಫಿಲ್, ಎಂ.ಎ,ಪಿಎಚ್.ಡಿ, ಸಾಮಾಜಿಕ ವರ್ಗವಾರು ವಿದ್ಯಾರ್ಥಿಗಳ ಸಂಖ್ಯೆ

NETJRF, NFSC, NFST, NFOBC, NF Disability ಇತ್ಯಾದಿ ಫೆಲೋಶಿಪ್‌ ಪಡೆಯುವ ವಿದ್ಯಾರ್ಥಿಗಳ ವಿವರಗಳು

ಹಳೆಯ ವಿದ್ಯಾರ್ಥಿಗಳ ಸಂಘ

➣ ಕನ್ನಡದಲ್ಲಿ (ಸ್ಥಳೀಯ ಭಾಷೆಯಲ್ಲಿ)ಅಭಿವೃದ್ಧಿ ಸಿದ್ಧಾಂತಗಳು ಮತ್ತು ಪರಿಕಲ್ಪನೆಗಳ ಕುರಿತು ಸಂಪನ್ಮೂಲಗಳನ್ನು ಅಭಿವೃದ್ಧಿ ಪಡಿಸಲಾಗಿದೆ.
➣ ಮಾನವ ಅಭಿವೃದ್ಧಿ ವರದಿಯಲ್ಲಿ ಬಳಸಲಾದ ಈಗಾಗಲೇ ರೂಪುಗೊಂಡ ದಲಿತ ಅಭಿವೃದ್ಧಿ ಸೂಚ್ಯಂಕವನ್ನು ಸ್ಥಳೀಯ ಭಾಷೆಯಲ್ಲಿ ಅಭಿವೃದ್ಧಿ ಪಡಿಸಲಾಗಿದೆ.
➣ ರಾಜ್ಯದ ಮಾನವ ಅಭಿವೃದ್ಧಿ ವರದಿ ತಯಾರಿಕೆಯನ್ನು ಸ್ಥಳೀಯ ಭಾಷೆಯಲ್ಲಿ ಸಕ್ರಿಯ ಭಾಗವಹಿಸುವಿಕೆ.
➣ ಹೈದರಾಬಾದ್ ಕರ್ನಾಟಕ ಪ್ರದೇಶಕ್ಕೆ ವಿಶೇಷ ಸ್ಥಾನಮಾನ ಪಡೆಯಲು ಶೈಕ್ಷಣಿಕ ಹಸ್ತಕ್ಷೇಪ ಗ್ರಾಮ ಪಂಚಾಯತ್ ಕಾರ್ಯಕ್ಷಮತೆಯ ಸೂಚ್ಯಂಕವನ್ನು ರೂಪಿಸಲಾಗಿದೆ.
➣ ಸುಸ್ಥಿರ ಅಭಿವೃದ್ಧಿ ಗುರಿಗಳ ಮುನ್ನೋಟ-೨೦೩೦, ಕರ್ನಾಟಕದ ಕಾರ್ಯತಂತ್ರಗಳು ಮತ್ತು ಕ್ರಿಯಾ ಯೋಜನೆ ಕನ್ನಡಕ್ಕೆ(ಸ್ಥಳೀಯ ಭಾಷೆಯಲ್ಲಿ)ತರಲಾಗಿದೆ.
➣ ಗ್ರಾಮ ಪಂಚಾಯತ್ ಹಂತದ ಜನಯೋಜನೆ ಮಾಡ್ಯೂಲ್ ಅನ್ನು ಅಭಿವೃದ್ಧಿಪಡಿಸಲಾಗಿದೆ.
➣ ಸಹಭಾಗಿತ್ವ ಮಾದರಿಯ ಶಾಲಾಭಿವೃದ್ಧಿ ಮತು ಮೇಲುಸ್ತುವಾರಿ ಯೋಜನೆಯನ್ನು ರೂಪಿಸುವಲ್ಲಿ ಸಮುದಾಯ ಮತ್ತು ಶಿಕ್ಷಣ ಇಲಾಖೆಗೆ ಶೈಕ್ಷಣಿಕ ಬೆಂಬಲ ಮತ್ತು ಸಕ್ರಿಯ ಭಾಗವಹಿಸುವಿಕೆ.
➣ ಶಾಲಾ ಪಠ್ಯಕ್ರಮದ ಬಗ್ಗೆ ಜ್ಞಾನವನ್ನು ಉತ್ಪಾದಿಸಲಾಗಿದೆ.

೧. ವಿಭಾಗವು ಆಯೋಜಿಸಿದ ಕಾರ್ಯಾಗಾರ/ಕಮ್ಮಟಗಳ ವಿವರಗಳು/ವಿಚಾರ ಸಂಕಿರಣ/ದತ್ತಿ ಉಪನ್ಯಾಸ

೨. Alumni Meet

೩.MOU ವಿವರ

೪.ಇತರೇ ಚಟುವಟಿಕೆಗಳು

೧. ವಿಭಾಗದಲ್ಲಿ ಕೈಗೊಂಡ ಪ್ರಮುಖ ಸಂಶೋಧನಾ ಯೋಜನೆಗಳು

೨. ಪಿಎಚ್.ಡಿ. ಮತ್ತು ಎಂ.ಫಿಲ್‌. ವಿಷಯಗಳು

ಡಾ. ಗೀತಮ್ಮ ಕೆ.
ಸಹಾಯಕ ಪ್ರಾಧ್ಯಾಪಕರು ಮತ್ತು ಮುಖ್ಯಸ್ಥರು
ಅಭಿವೃದ್ಧಿ ಅಧ್ಯಯನ ವಿಭಾಗ
ಕನ್ನಡ ವಿಶ್ವವಿದ್ಯಾಲಯ, ಹಂಪಿ
ವಿದ್ಯಾರಣ್ಯ- ೫೮೩೨೭೬
ಮೊಬೈಲ್: ೯೪೮೧೨೯೩೫೧೪
ಇಮೇಲ್ ವಿಳಾಸ : geet6eco@gmail.com